O Concello de Oleiros informa de que nos obradoiros ocupacionais que desenvolve
a Concellería de Servizos Sociais existen prazas vacantes en varios dos cursos
que se están levando a cabo, polo que dende o día de hoxe ata o 10 de xaneiro
ábrese o prazo para que se inscriban as persoas interesadas.
As inscricións poden facelas a través da web municipal, www.oleiros.org,
no apartado de sede electrónica, na carpeta cidadá, ou ben directamente nas
oficinas de servizos sociais.
Os obradoiros nos que hai prazas libres son
tapices, encaixe de bolillos, pintura, manualidades e costura. Estes obradoiros
desenvólvense en distintas localidades, algúns deles en horario de mañá e outros
pola tarde.