A Concellería de Ensino e Xuventude do
Concello de Oleiros, organiza unha mesa redonda sobre a Igualdade de xénero e a
Educación, que terá lugar no Centro Cultural A Fábrica o día 20 de novembro ás
20:00 h.
Esta mesa redonda enmarcase dentro do
programa de educación para a saúde de Oleiros, en concreto na Escola de Pais e
Nais. O obxectivo destas mesas redondas é o de achegar a todos os pais e nais,
así como os veciños en xeral, as distintas accións e programas que o Concello
de Oleiros leva a cabo nos Centros Educativos. Xa que o éxitos dos programas
educativos está na colaboración conxunta e estreita entre familias, centros
educativos e Concello.
O día 20 de novembro falaremos da igualdade
de xénero e da educación desde a liña da investigación no social e no mundo
escolar, dos programa de intervención cos adolescentes e presentarase o
programa Escola Coeducativa que o Concello de Oleiros pon a andar neste curso
2013 – 2014.
A mesa estará composta por Dona Ana Iglesias
Galdo, decana de Ciencias da Educación da UDC, co seu relatorio “Igualdade de
xénero e educación, de qué falamos?; Dona Natalia Domínguez Galán, educadora
social, co seu relatorio “A experiencia profesional de intervención en
programas de igualdade con adolescentes” e Dona Sandra Fernández Fernández,
concelleira de Ensino e Xuventude de Oleiros, con “ Escola Coeducativa”.